Non me toca star davanti el fogon con la méscola in man, smisiando la farina per sentire el profumo de la polenta, o come che dise ancoi , " brustolin ". Basta serar i òci e ricordare del quei momenti e parerà una verità. Sono cose dela vita che non se smentega mai.

Quando pi véci ciamea, " tosatèi, ndon magnar ???" noi zera come rati in drio del formai. Tuti in torno savea che zera li, tante cose per magnar, però el taiêr grando e tondo, pien di ani e pien di sfrese che i gati fea con le sgrife, quelo era sempre lí. Se vardava la picola " montagna d`oro" un pó calda, pena fata el tombo e che aveva um ciaro rico come el sole nel`alba.

Che fame e che buona, e pensà che un olta questo santo magnar era soi per poareti e ogi magna anca i siore, furse la paga caro. Tanti ani fà, la magnava anche i soldati romani,,, ( ma non`era fata con la biava ).
Dopo che la polenta ze vegnesta fuora per el mondo, in tempo di guera quando tanti pasea fame, el pane non gavea pì e dopo dela guera, el pane lo magnava soltanto quei che stea malai. Poareta nona che sempre volea " una panada".

E quando restava solo polenta con polenta, i pi véci vardando i cèi, taiavano due fete e disea cosi: " ciapa una per mano; nela mano a la sanca la polenta e nela mano drita un formai ". I cèi magnea fingendo esser polenta e formai alora. Si, ntel tempo de la caristia se fea qualcosa per pienir la pansa e quando sensa magnar, cantavano.

E con la polenta tuti i di, noi diventiamo grandi, sgionfi, forti, nissuni pi restai malai per far tanti laori in questa benedeta Mèrica. Giusto che dopo la caristia la magnava con tante cose insieme; formai, salame, fasoi......
Matina va bene con late, mes'di me nono magnava con la minestra, al fin dela sera con lardo e furse un pó di tòcio. Qualche olta mi cato a pensar dei véci, quanti sofrir par dopo tirar fuora la panòcia, sgranar, portar una misura del biava ntel molin, pagar el molinàio e portar a casa la farina.

Amici dela picola montagha d ́oro, che pòrtano alegria e coràio, che i ghe da magnar ai poareti e ai siore, che beve e cantano, che ndon vanti con la nostra stòria, che nele vene cuore el sàngue dei imigranti, mi voi dir una cosa :

Se mi sà , che qualcuno parla mal di te! .......