Ghenà un provèrbio che el dise cossìta: “ Se te vol viver sento ani, và in leto col gal e slévete sù con là galina ”.

I dize che el primo ndar a leto là sera, ze el gal. E là prima a levar sù, là ze lá galina. Mi no go gnaca mai vardà, magari...!

Bépi zera un tosato che ghe piasea viver, e par questo dismissiava bonora a là matina.

El so mestier zera darghe magnar a le bèstie, tirarghe late de le vache e palpar le galine... Dopo ndava portar el late in paese. Ma una matina, bisognava che tornasse indrio presto, co'i budei e spago, par copar el porco grasso e fare la bagna, i salami, i ossacoi, la morsìlia, i codeghin, el lardo e le grépole...!

Quando el va ciapar el caval ntel la stala, nol ghe zera piu... ndove saràlo ndato? Varda de quà, varda de là; ciàmelo e gnente...

Ghe zera un trodo in meso la capoéra, che ndava in colònia e Bépi el gà pensà: Furse che el cavál ze là su, drio cavàrsela...

El va vanti un poco e vede un vecioto, sentà soto la ombra di una pianta, drio vardar le pavéie che le solava contente...

- Bépi dimanda, vu gavio visto un caval?

El vecioto el ga russa la barba e ghe dise:

- Un caval... Un caval...!

- Si, si... Un caval.

- Orbo un òcio ? Dimanda el vécioto.

- Si, Si... Pròprio orbo d'un òcio.

- Gavelo una gamba rota?

- Si, si el se ga roto una gamba.

- Ghe manca un dinte da vanti ?

- Si, si el zera sensa un dinte da vanti.

- El gavea là grata?

- Mà signore santo, dize bépi,,,Si, si prorpio là grata.

- El zera bianco, incoi ?

- Si, si ma pròprio bianco, ndove zelo el me caval?

- Par dire a la verità, mi no lo go mai visto el to caval!

- Ma come?... Se lo gavì ritratà?

Bene, Alora el vecioto el ghe dimanda:

- E lo come tuo nome ?

E ze Bèpi. Ma, parché?

- Caro Bèpi, no stà restar cativo. Vien qua darente e sédete su questo foche di lenho e senti, varda lá naturessa...quante maravia...

- Má signor, Mi voleria che vu parlesse de nantra cosa... Del mio caval...!

- Vui spiegarte:

El zera un caval parché mi go visto un stronso de caval!

Orbo um òcio parché el magnava sol de una banda del trodo!

Na gamba rota, parché ghe sol tre segni de caminar!

Sensa un dinte davanti, parché ghe ze un fiapo ndove che’l gà magnà là erba!

El se ga russà su par le piante parché el gavea la grata!

El pel bianco che ze restà, el me dise de che color el zera caval !

Mio caro, Bepin, me toca darte due consili:

PRIMO: Tante cose se por saverle, sensa vederle !

SECONDO: Son mia deventà vècio par gnente !

ATO CAPÌ ? Questa storia me go cata col Jacir Grando, brao.....